پھر یوں ہوا _میمونہ ملک

 پھر یوں ہوا 

میمونہ ملک

پھر یوں ہوا کہ اذیتوں کی انتہا ہو گئی

پھر یوں ہوا کہ اس نے اپنا درد چھپا لیا

پھر یوں ہوا کہ وہ بے حِس ہوگئی

پھر یوں ہوا کہ اس نے صبر کا دامن تھام لیا

پھر یوں ہوا کہ اس نے یادوں پہ قفل لگا لیئے

پھر یوں ہوا کہ اس نے لوگوں کو ان کے حال پہ چھوڑ کر

خود کو لوگوں کی پرواہ سے بے پرواہ کر لیا

پھر یوں ہوا کہ لوگ اسے بالکل بھول گئے

پھر  اس نے بھی احساس دلانا چھوڑ دیا

پھر یوں ہوا کہ اس نے چہرے پر مسکراہٹ سجا کر ،

اپنے درد کو دل کے کونے میں بند کر دیا

پھر یوں ہوا کہ وہ لوگوں کے سامنے خوش رہنے لگی

پھر یوں ہوا کہ  لوگ بھی اسے خوش سمجھنے لگے

*********************