Poetry by Frishty Mariam

 کبھی اک بار تو آؤ

پھر چاہے خواب میں آؤ 

فقط اک بار ہی آؤ

مگر آؤ ۔۔۔۔۔۔۔۔

ذرہ سی دیر کی خاطر 

چلو تم آ تو جاؤ پر۔

سنو تم بات مت کرنا 

اگر مجھ سے خفا ہو جو 

نہیں روکوں گی میں تم کو 

نہ کچھ پوچھوں گی میں تم سے 

مگر تم آ تو جاؤ نہ

اگر تم مان لو کہنا 

تو بس اک التجاء سن لو

میری نیندوں کی وادی میں 

میرے سپنوں کا گھر ہے جو 

وہاں ملنے چلے آنا۔

یا پھر ایسا کرو کہ تم

انھی خاموش سانسوں سے 

دبے قدموں چلے آنا 

ذرا سے فاصلے پر تم 

ذرا سی دیر کی خاطر

وہیں آکر  ٹھہر جانا۔

چلو ایسا کرو ورنہ 

اگر اتنے خفا ہو تو۔۔۔۔۔ 

نہیں جو دیکھنا چاہو 

پلٹ جاؤنگی میں اس پل 

میں آنکھیں بند کر لونگی

مگر جب لوٹ کر جاؤ 

تو تم کو دور تک جاتے ہوئے 

دیکھوںگی اس لمحے 

پھر اس لمحے کو اپنی بند مٹھی میں 

ہمیشہ قید رکھوں گی

اگر تم مان لو کہنا 

میری ضد ہے 

کبھی اک بار تو آؤ 

 پھر چاہے خواب میں آؤ

 مگر آؤ کسی پل میں

کسی لمحے، میرے بھائی 

____

فرشتے مریم