رسموں رواجوں کی ماری

عائشہ علی

بے رحمی کی آگ لگی تھی

میرا وجود جھلس رہا تھا

میرے اپنے تماش بین تھے

ہر آنکھ میں بے اعتباری تھی

کچھ ہنس رہے تھے کچھ رو رہے تھے

کچھ میرا غم دیکھ کر تڑپ رہے تھے

کچھ اپنی دھن میں مست مگن

مجھے بے دردی سے نچا رہے تھے

مجھے سرخ کفن پہنایا جا رہا تھا

سارے خواب دفنائے جا رہے تھے

میری بےبسی سجائی جا رہی تھی

میری خاموشی کو دلہن بنا رہے تھے

عجیب وقت تھا عجیب سماں تھا

زہر کا گھونٹ تھا پلایا جا رہا تھا

میری زندگی مجھے سے روٹھ رہی تھی

میری زندگی مجھ سے چھینی جا رہی تھی

زندگی کے گھنگروں بڑی بے دردی سے

مجھےنئے سُر پہ نچائے جا رہے تھے

میں رنگین خواب دیکھنی والی لڑکی

رسموں رواجوں میں ماری جا رہی تھی

*****************