خیالات

ماہ نور نثار احمد

کبھی فرصت نہیں ملتی

کہ کچھ اچھا لکھ لیں

کبھی فرصت میں بھی

اچھے الفاظ نہیں ملتے

کبھی خیالات کر دیتے ہیں

لفظوں کی تسلی

کبھی الفاظ سے دل کے

جذبات نہیں ملتے

جو سمجھ لیں اب

دل کے حالات آنکھوں سے

مجھے ایسے عوام الناس

آخر کیوں نہیں ملتے؟

تعلقات بڑھا دیتے ہیں

توقعات کے مواقع

ہم اسی واسطے

اب لوگوں سے نہیں ملتے

جن سے ملتے ہیں

دل کے راستے جا کے

وہ لوگ اکثر

نصیبوں میں نہیں ملتے

تم کو فرصت ہی نہیں

کہ ہم سے بات کر لو

یہ آج اس نے کہا جس کے اثرات

بھی ہمیں کہیں نہیں ملتے

اور میری نظم

اب اختتام کو پہنچی ہے

مجھے اکثر نظموں کے

آخری فقرات نہیں ملتے