Bachun ki Eid|Urdu Poetry written by Dr Nayab Hashmi

 بچوں کی عید 

ڈاکٹر نایاب ہاشمی 

 عیدالفطر کا دن اب آیا ہے 

 خوشیوں کی سوغات لایا ہے 

سویاں پلیٹ میں سجا کر 

امی نے شیر خورمہ بنایا ہے 

سب کو نئے کپڑے پہنا کر 

اپنے گھر کو بھی جگمگایا ہے

  

صبح سویرے تیار کرا کر  

کھجور سے منہ میٹھا کرایا ہے 

جاتے ہوئے عیدگاہ تکبیریں پڑھیںں

نماز کے بعد گلے سب کو لگایا ہے

 

صدقہ دے کر غریبوں کو 

اپنی خوشیوں سے ملایا ہے 

کھانا دے کر یتیموں کر

سکون دل کو اپنا بڑھایا ہے

 

پیام رمضان پر عمل کرکے 

اللہ کی رضا کو بڑھایا ہے 

بڑوں سے مل کر عیدی جمع کی 

پھر عیدی کو امی سے چھپایا ہے 

سدا یاد رہیں گے یہ دن نایاب

جو ہم نے بچپن میں گزارا ہے