Urdu poetry written by Bia Mehmood

 بے مہر لوگ 

کل شام جب میں بیٹھی تھی 

آنگن کی سیڑھیوں پر 

دور اُفق پر شفق کی لالی 

دھیرے دھیرے ہورہی تھی مدھم مدھم

پرندے چہچہاتے جارہے تھے 

واپس آشیانے کو اپنے 

ان کی چہچہاہٹ میں رب کی ذات کا تشکر تھا 

آسمان پر نگاہیں جماۓ تھی بیٹھی میں بے خبر 

ہوا نہ احساس شام کے ڈھلنے کا 

روشن ہوگیا تھا چاند گگن پر 

تھی اس کی چاندنی میں اداسی گھلی 

لگا تھا وہ مجھ کو تاروں کے جھرمٹ میں اکیلا 

میری محويت کو دیکھ کر وہ مسکرایا 

ذرا سا آیا قریب میرے اور بولا 

کیوں بیٹھی ہو ایسے اداس تم ؟

کیوں لگ رہی ہو خود سے انجان تم ؟

کیا تم بھی میری طرح ہو اکیلی ؟

کیا تمھارا بھی کسی نے ہے دل دکھایا؟

سن کر اس کی بات مسکراہٹ ہوئی میری گہری 

آگئی آنکھوں میں نمی 

سنو! یہ دنیا ہے عارضی ٹھکانا 

یہاں نہ کبھی تم دل لگانا 

بچا کر رکھو خود کو تم 

بے مہر لوگوں کے جال سے 

جو جانتے ہیں کھیلنا بس 

معصوموں کے دلوں سے 

کرلو راضی تم اپنے رب کو 

ملے گی اس سے دلی راحت تم کو 

کہا پھر پیار سے اس نے یہ مجھے 

اور دیکھا ستاروں کی اور ایسے 

جیسے وہ بھی ہوں بے مہر لوگوں کے جیسے 

جانے سے پہلے تھمایا اپنا احساس 

چلا گیا وہ واپس ستاروں کے پاس 

ازقلم : بیا محمود